بسكويت العيد بالزبدة

 

بسكويت العيد بالزبدة


بسكويت العيد بالزبدة


من الحاجات المبهجة والشهيرة عند المصريين شرب الشاى باللبن الصبح مع البسكويت.. تعالوا نعمله بطريقة سهلة وطبعا بننصح بتناول كمية قليلة جدا علشان مايحصلش عصر هضم..


طعمه حلو جداااااا وسهل جداا والوصفة ناجحة وإن شاء الله هتعجبكم..


 


المقادير:


٥٠٠ جرام دقيق

٣٠٠ جرام زبدة (كوب ونصف )

٢٠٠ جرام سكر بودرة (كوب ونصف)

١ ملعقة كبيرة لبن بودرة

٢ بيضة كبيرة

كيس فانيليا ورشة ملح

ملعقة صغيرة ممسوحة بيكينج باودر

ريحة جوز هند أو ريحة برتقال أو قرفة..


الطريقة:


اضربى الزبدة وهى طرية مع السكر كويس جدا حوالى ربع ساعة لحد مالونها يفتح.. ضيفى البيض والفانيليا وكملى ضرب.. هننزل بكل المقادير الجافة ونعجن بايدينا لحد ما الكمية تلم (البسكوتات مش بتحتاج ضرب كتير) هنحط الخليط بكيس حلوانى وبلبلة نجمة ونزليها فى الصينية أى شكل تحبيه  ? … هتدخل الفرن على ١٨٠ حوالى ربع ساعة هنحمر من تحت ممكن تشغلى الشواية ٢ دقيقة بالضبط علشان ناخد لون دهبى حلو.


#عيد_سعيد# العيد_فرحة


كل سنة وأنتم طيبين ?? ??