١٠ خطوات تساعدك على النوم بشكل أحسن
هل بتنامي بصعوبة شديدة وتقلقي بعد ساعتين تلاتة؟
وطبعا دا بيخلي مزاجك وحش وملكيش نفس لحاجة وخلقك ضيق وعصبيتك زيادة.
هقولك ١٠ خطوات تساعدك تنامي بشكل أحسن
بس الأول لازم تعرفي إن ده عرض شائع جدا ومنتشر خصوصا مع التوتر المزمن اللى بقينا عايشين فيه والافراط في شرب الكافيين علشان نفوق ونقدر نأدي مهام يومنا!
طيب تعرفي إن قلة النوم ممكن تكون إشارة على إن جسمك محمل بالسموم؟
طيب إيه الحل؟
الحل هو إنك تبدأي تركزي مع نفسك شوية وتلزمي نفسك ببعض الخطوات اللي بيها هتقدري تنامي أحسن وتحافظي على صحتك
١- حاولي قد ما تقدري ماتفضليش باصة فى الموبايل لحد ما تنامى وياريت لو ما تتعرضيش للشاشات بصفة عامة قبل النوم على الأقل بنص ساعة.
٢- اعملي شوية تمرينات بسيطة مع التركيز على التنفس قبل النوم.
٣- خدي دش دافي ودا هيساعدك جدا تسترخي وتنامي بشكل أحسن.
٤- استخدمي زيت اللافندر اللى له تأثير مهدئ ممكن ترشيه على المخدة بتاعتك.
٥- فضي دماغك بالكتابة بإنك تكتبي أحداث اليوم وده هيساعدك تبقي مستعدة أكتر للنوم.
٦- اكتبي مهام بكره علشان ما تفضليش متوترة وقلقانة من إنك تنسي حاجة.
٧-فكرى بامتنان فى النعم الكتيرة اللي استشعرتيها في يومك ولما تركزي هتلاقي نعم كتيرة ورزق كبير من رب العالمين.
٨- حاولي بلاش تاكلي وتنامي بعدها علطول وأفضل حاجة إن آخر وجبة تبقى قبل النوم ب ٣ ساعات.
٩- حاولي الساعة اللى قبل النوم تعملي فيها هواية بتحبيها زى القراءة أو سماع الموسيقى.
١٠- ممكن تحاولى تعملى جلسة تأمل ولو لمدة 10 دقايق.
Facebook Comments
هبة أنور ، أم لثلاثة أطفال ، هي مدربة صحية شاملة درست التغذية والتدريب في معهد التغذية التكاملية. وهي مؤسسة Smart Food بقلم هبة أنور . تهدف إلى رفع مستوى الوعي حول تأثير الغذاء على الصحة والرفاهية العامة لجميع البشر من خلال خلق ثقافة إيجاد البدائل. وتتمثل رغبتها في تمكين كل أم بالأدوات والمعرفة اللازمة لتقديم خيارات طعام أفضل لأطفالها. تقدم هبة دورات توعية وبرامج تدريب تحولية للنساء لمساعدتهن على الوصول إلى أفضل ما لديهن ، وفهم أجسادهن وتحديد الأطعمة التي تناسبهن بشكل أفضل.
