هل تحديد ميعاد الولادة صح؟
ليه مش صح إنك تولدي بميعاد لغير أسباب طبية؟؟
“بنسمع إن أمهات كتير ولدت في أول أو فى نص الشهر التاسع لأسباب غير طبية زى “خلاص أنا في التاسع وعامله قيصرية قبل كده”
أو
“تعبت خلاص وعايزة أولد”
أو
“عايزة أولد قبل العيد أو قبل المدارس”
أو
“عايزة أولد يوم ٧/٧/٢٠١٧ تاريخ شيك أوي”
أو
“الدكتور بتاعي مسافر ولازم أولد معاه”
وللأسف دا خطأ كبير جداً
وعلشان نفهم ليه دا خطأ لازم نعرف إن بالولادة بتحصل لما يكتمل نمو الجنين وتصبح أجهزة جسمه مكتملة النمو وجاهزة للتعامل خارج الأم ودا لا يقاس أبدا بوزن الجنين ولا بدخوله في الشهر التاسع، لأن اكتمال النمو الهرموني والانزيمات مش بتتحدد بالحسابات دى.
لما يصبح الجنين مكتمل النمو تفرز رئتيه مادة البروستاجلاندين اللى بتحفز هرمونات الأم وتبدء التغيرات اللي بتحصل في عنق الرحم وبعدها تبتدى الولادة
علشان كده دائماً وأبداً ماتستعجليش واصبري لما البيبي يكون جاهز ويقرر بنفسه الخروج لأن ده بيكون هو الوقت الصح والأمثل
استشارى النساء والتوليد – مركز الأسكندرية الإقليمى لصحة وتنمية المرأة
