السعادة وراحة البالالمرأة العاملةمذكرات أم

مين قال إن الأمومة نهاية لكل حاجة؟

 

98b6d0ea-55c3-4b19-a6ec-7dfa9c41803a---0

مين قال إن الأمومة نهاية لكل حاجة؟

المقال دا ملوش دعوة بأني أم لتؤام، المقال دا فضفضة لأسئلة كتيرة جدا محيراني وشغلاني من ساعة ما بقيت أم. إحنا ليه مش مستحملين حاجة؟ متستغربيش من سؤالي ولا تزعلي، فكري فيه بالراحة علشان نلاقي حل يمكن نعرف نبقي أسعد.

دايما بسأل نفسي إحنا ليه مش زي أهالينا؟ ليه عندنا كل وسائل التكنولوجيا ومش مرتاحين؟ ليه في صراع يومي مابينتهيش مع كل تفاصيل حياتنا؟ ليه عندنا طفل أو إتنين وطول النهار بنشتكي مع أن أهالينا كان عندهم ٤ و ٥ أطفال وكانوا شعلة نشاط. ليه ناقمين على كل حاجة ومفيش حاجة عاجبانا؟ ليه كل جروبات الأمهات اللي على السوشيال ميديا بنطبب على بعض ونواسي بعض كأننا شهداء حرب؟ ليه حاسين إننا في أزمة دايما؟ على فكره دا مش إحساسي الشخصي، دي ملاحظة شخصية من كل اللي بشوفه حواليا.

مين قال إن الأمومة نهاية لكل حاجة؟

مين قال إنك لما تجيبي طفل دا هيغير حياتك وهتتحبسي وهتسيبي الشغل؟ هو هيغير حياتك طبعا بس كتير للأحسن وفي أمهات الأمومة كانت نقطة فارقة في حياتها وبقوا قصص نجاح ملهمة. مين قال إنك لما تبقي أم تهملي نفسك وتيجي على روحك علشان الأمومة تضحية. مش دي التضحية الصح! كل ما هتيجي علي نفسك، كل ما هتدبلي وتلاقي نفسك مش عارفه تدي بيتك ويمكن كمان تكرهي إنك بقيتي أم. مين قال إن الطفل بيجي يقتل أحلامك إنك تحققي ذاتك وكيانك؟ بالعكس بعد ما بتكوني أم بتعرفي جوانب في شخصيتك ماكنتيش عارفاها، و ساعات بتوصلي لأفكار وحاجات ولا كانت في خيالك قبل ما تكوني أم. أنا عن تجربة شخصية غيرت مسار حياتي وشغلي وإكتشفت نفسي في حاجات معرفتهاش إلا لما فكرت وقررت أجرب.

ليه بقي أهالينا كانت مفاهيمهم صح؟ ليه هما كانوا ومازالوا شايلين همنا وهم عيالنا وإحنا اللي بقالنا كام سنة أمهات طول النهار بنندب على حظنا وبنشتكي؟

عموما أنا معنديش إجابة لكل الأسئلة دي بس متأكدة إن في حاجة غلط في جيلنا مخليانا كده. بنفكر بطريقة غريبة تجاه أمومتنا. ودا مخلينا لا مستمعتين بحياتنا ولا أمومتنا ولا قادرين نؤدي دورنا على أكمل وجه!

إيه رأيكوا؟ مين حاسس زيي؟

Facebook Comments

ديانا فريد

ديانا هي زوجة وأم لطفل توأم مستوحاة من الموسيقى والطبيعة والتفاعلات اليومية في الحياة. تستخدم شغفها بالكتابة لالتقاط اللحظات الخاصة واستبدال الضحك بالألم وإلهام الآخرين. كاتبة طويلة في العديد من المنشورات في مصر والخليج. من خلال Twin Mummy’s Diary تشارك أفكارها وخبراتها ونصائح مفيدة أثناء انتقالها نحن من خلال ركوب الأفعوانية تسمى الأمومة ، مع تحدياتها وأفراحها.

زر الذهاب إلى الأعلى