الأطعمة الأولىالشهور الأولى للمولودالمولود الجديد

مميزات التنويع فى نظام الطفل الغذائى

 

نظام الطفل الغذائى

 

مميزات التنويع فى نظام الطفل الغذائى

بقلم: سيريلاك مصر

وزارة الصحة العالمية توصى بالرضاعة الطبيعية لأول ست شهور من عمر طفلك وإنك ابتداء من بعد ست شهور تضيفى لنظامه الغذائى أكل طبيعى مع الرضاعة. ده علشان الرضاعة لوحدها من السن ده مش كفاية علشان توفر لطفلك كل متطلباته الغذائية لأفضل نمو .علشان كده لازم تنوعى من الأكل وده كمان ليه فوائد تانية كتير زى:

  • التنويع فى الأكل هيساعد طفلك يتقبل كل الأكل أسرع
  • بيزود فرصته إنه يتعود على نظام غذائى متوازن بقيه حياته
  • كل ما قدمتى لطفلك الخضار والفاكهة بدرى، كل مايكون أسهل إنه يتعود عليهم ومش هتتعبى زى لو بدأتى تعوديه متأخر
  • طفلك عمره ما هيزهق من الأكل ودة هيسهل ليكم أنتم الإثنين عملية الأكل
  • طبعا أهم حاجة إن طفلك عمره مش هيتعرض إلى نقص غذائى علشان بيوصل لجسمه كل الفيتامينات والمعادن اللى جسمه ههيحتاجها

أفضل نصائح علشان تقدمى أفضل أكل جديد  لطفلك لأفضل تنميه:

  • جربى تقدمى الأكل الجديد مخلوط مع أكلته المفضلة علشان يتقبلها أسرع
  • لو أول مرة رفض يكمل الأكل متخليهوش ياكل بالعافية، استنى كام يوم وجربى تانى حتى لو جربتى عشر مرات ومع الوقت هتلاقيه بيستجيب
  • طفلك ممكن يرفض الأكل علشان مش نايم كويس أو تعبان أو مشغول فى حاجة تانية زى لعبة أو حاجة غير الأكل. علشان كده أفضل وقت تجربى تأكليه أكل جديد لما يكون فى أحسن حالته ونايم كويس
  • الأطفال بيحبوا الأكل اللى بيشوفوا مامتهم بتاكله علشان كده كلى أمام  طفلك من الأكل اللى عاوزاه ياكله.
  • قدمى لطفلك الأكلة الجديدة وهو جعان علشان فرصة إنه ياكلها هتكون أعلى
  • حاولى تخلى شكل الأكل زى الأكلات المتعود عليها مثلا لو أكله دايما مهروس، قدميله الأكله الجديدة بنفس الشكل

طفلك فى أول سنين عمره بيتعود على حاجات هتفضل معاه طول عمره علشان كده عوديه من بعد ست شهور على أنواع أكل متنوعة علشان تشوفيه بيكبر وبيقوى قدام عينيك بأفضل شكل. أهم حاجة ماتيأسيش ودايما حاولى تكونى إيجابية مع طفلك وخلى بالك من تعابير وشه، ومع الوقت طفلك هيستجيب ويتعود على كل الأكل الصحى اللى نفسك فيه. نتمنى نكون قدرنا نساعدك.

 

Facebook Comments

فريق عالم الأم و الطفل

يتطلع فريقنا دائمًا لإطلاع القراء على آخر الأخبار والأحداث والنصائح الملهمة والمفيدة التي شاركها الآخرون.

زر الذهاب إلى الأعلى