مشروع توصيلة ونظرة لكبار السن وذوى الاحتياجات الخاصة
مشروع توصيلة ونظرة لكبار السن وذوى الاحتياجات الخاصة
مشروع توصيلة هو مشروع بيهدف لان محدش من ذوي الاحتياجات الخاصة وكبار السن يشيل هم نزوله من البيت أو انه يروح أي مشوار.
توصيلة بدأت كصفحة على الفيس بوك
http://bit.ly/2pYTkJg
أنشأها أ.خالد خيرى لمساعدة ذوي الاحتياجات الخاصة وكبار السن فى الانتقال من مكان لآخر بسهولة ويسر وبيقدموا خدماتهم على مدار ال 24 ساعة.
توصيلة بتقدم مجموعة مختلفة من الخدمات زى:
-خدمة التوصيل بالسيارة من مكان لآخر
-خدمة الكرسي الكهربائى لصعود ونزول السلالم
-خدمة انتظار العميل مع مرافق مدرب
سيارات توصيلة كلها ملاكي ومكيفة وعندهم نوعين من السيارات:
-نوع فيه العميل بيدخل السيارة بالكرسي المتحرك الخاص بيه أو بيتم توفير كرسي متحرك للعميل من خلالهم للاستخدام أثناء المشوار.
-نوع تانى من السيارات يوجد بها الكرسي بجانب السائق يخرج ويدخل من السيارة اتوماتيك لتسهيل الدخول والخروج على العميل بدون تعب.
العميل أثناء الحجز بيحدد نوع السيارة المناسبة بالنسباله واللى بيكون فيها سائق ومرافق لمساعدة العميل في أي شئ يحتاجه أثناء المشوار.
الحجز بيكون قبل الميعاد بيوم أو يومين والسفر متاح للأماكن القريبة زى الاسكندرية والعين السخنه وساعتها الحجز بيكون قبل ميعاد السفر بأسبوع.
مشروع توصيلة من خلال خدماته الرائعة وفريق عمله المتميز بيرسخ لمفهوم مهم جدا وثقافة غايبة معظم الوقت عن مجتمعنا اللى هى ثقافة دمج كبار السن وأصحاب الهمم في حياتنا باحترافية تخليك تحس ان انتقالاتهم وتحركاتهم فى الحياة هى مهمة سهلة وهي في الحقيقة مهمة مش سهلة على الإطلاق لأن ولا شوارعنا ولا مواصلاتنا ولا حتى الأماكن العامة (إلا القليل جدا) مهيئة لكده ولا بتساعد عليه.
مشروع توصيلة تم سنة ولسه عندهم حاجات كتير عايزين يقدموها لخدمة كبار السن وذوي الاحتياجات الخاصة وبيحلموا انهم يقدروا يتوسعوا ويطوروا أكتر من خدماتهم ويخلوها مش بس بتغطى منطقة القاهرة ولكن تمتد لتغطية مختلف محافظات الجمهورية.
يتطلع فريقنا دائمًا لإطلاع القراء على آخر الأخبار والأحداث والنصائح الملهمة والمفيدة التي شاركها الآخرون.
