حلويات

كوكيز الشوفان بالموز والتفاح

 

DSC05257

كوكيز الشوفان بالموز والتفاح

أوقات بنبقى عايزين سناك لولادنا فى المدرسة أو حتى النادى وبردوا إحنا كأمهات بنكون عايزين نأكل سناك نكون عاملينه بنفسنا فى البيت بدل الحاجات الجاهزة اللى في السوق.. النهاردة هنقدم وصفة كوكيز الشوفان بالموز والتفاح والعسل وبكدة هنبقى جمعنا بعض المكونات الصحية في قطعة واحدة..

المقادير:
بيضة
٨ ملاعق كبيرة عسل النحل
١/٣ كوب زبدة
١ موزة مهروسة
١ تفاحة متوسطة مقشرة ومبشورة ناعم
٢ وربع كوب دقيق
٢ كوب شوفان
ربع كوب سكر بنى
ملعقة صغيرة بيكينج صودا
فانيليا ورشة ملح
ملعقة صغيرة قرفة

الطريقة:
نخلط المقادير الجافة كلها مع بعض ونضرب المكونات السائلة البيضة مع الفانيليا والزبدة والسكر والعسل وبعدين نضيف الدقيق والشوفان والموز.. هتبقى خليط سميك هنشكله كور صغيرة ونحطها على ورق زبدة ويدخل الفرن السخن على ١٨٠ أو ١٩٠ لمدة من ١٢ إلى ١٥ دقيقة بالكتير..

ملحوظة: ممكن نزين الكوكيز قبل دخولها الفرن ببعض من التشوكليت شيبس علشان تلفت نظر الأطفال، هنخليهم يحطوا ٢ أو ٣ بالكتير مش هتبقى كالوريز كتيرة لأن حجمها صغير وعددها كمان(إختيارى)

بالهنا والشفا..

Facebook Comments

إيمان عبد الرحمن

إيمان عبد الرحمن زوجة وأم مصرية. إيمان مورد كعك / كعك ومضيف للعديد من البرامج التلفزيونية بدوام جزئي.

زر الذهاب إلى الأعلى