فراخ باللبن الرايب والزعتر
اكلة صيفى وسهلة وطعمها منعش…. فراخ باللبن الرايب والزعتر!
على فكرة كوباية اللبن الرايب منزوع الدسم فيها نفس السعرات إللى فى الحليب منزوع الدسم بردو.. حوالى 80 كالورى فى الكوباية..
المقادير: (لأربع أشخاص)
• فرخة متقطعة على تمانية منزوعة الجلد والدهون (أو أربع وراك فراخ… بتكون أحلى بالوراك)
• 2 كوب لبن رايب خالى الدسم
• 2 معلقة زعتر أخضر
• معلقة اوريجانو
• 2 معلقة عصير ليمون
• معلقة توم مفروم
• ملح وفلفل
• نصف معلقة صغيرة سكر دايت – بس مستخرج من مصدر طبيعى (خالى من الأسبرتام) مثل السكر المستخلص من أوراق طبييعية (استيفيا) – (السكر بيعادل الحموضة اللى ف اللبن الرايب)
الطريقة:
• نتبل الفراخ بكل مكونات التتبيلة ونسيبها طول الليل ف التلاجة (أو على الأقل ساعتين)
• وبعدين نحطها فى صينية ونغطيها وهوب على فرن حامى لمدة ساعة وكدة خلاص .
شوفتوا سهلة إزاى؟ ممكن بقى نقدم معاها رز بالخضروات والكارى يبقى حلو أوى.
ورمضان كريم
مع انها صيدلانية… الا ان اكتر حاجة بتحبها إيمان حلمى هى انها تطبخ اكلات كتيرة من الاكلات المفضلة عندنا بطريقة تكون ماشية مع الدايت وف نفس الوقت تحافظ على الطعم الحلو… ومن ساعتها قررت تشارك الفكرة دى مع كل الناس اللى نفسهم يعملوا دايت ومايزهقوش.. من خلال اكلات جديدة ولذيذة… ودايت!
