شوربات وصلصاتوصفات لذيذة

شوربة الكرنب

 

Kapusniak

شوربة الكرنب

المقادير:
– نص واحدة كرنب كابوتشا مبشورة
– ٤ حزم بصل أخضر من اللى راسه صغيرة.. لو راسه كبيرة خليهم ٦
– فصين توم مفرومين
– جزرة مبشورة
– شوربة منزوعة الدسم (أو نص الكمية شوربة ونص الكمية مية وفيها مكعب مرقة عشان الطعم)
– ملح- فلفل- رشة جنزبيل صغيرة- كارى- ورقة لورا

الطريقة:
– نشوح البصل الأخضر لحد ما يدبل بس من غير ما يغير لونه
– نحط عليه التوم ونقلب
– نضيف الجزر والكرنب المبشور والشوربة والمية والمكعب
– لما يغلوا نوطى عليهم النار ونظبط الملح والفلفل والتوابل

ومش ناقصها غير عصرة ليمون

ممكن كمان لو عايزين تحطولها طماطم مبشورة أو فلفل أخضر أو مشروم أو كرفس أو أى حاجة تانية من فصيلة الخضروات زى ماتحبوا…

Facebook Comments

إيمان حلمي

مع انها صيدلانية… الا ان اكتر حاجة بتحبها إيمان حلمى هى انها تطبخ اكلات كتيرة من الاكلات المفضلة عندنا بطريقة تكون ماشية مع الدايت وف نفس الوقت تحافظ على الطعم الحلو… ومن ساعتها قررت تشارك الفكرة دى مع كل الناس اللى نفسهم يعملوا دايت ومايزهقوش.. من خلال اكلات جديدة ولذيذة… ودايت!

زر الذهاب إلى الأعلى