سلطة مكرونة بالتونة

سلطة مكرونة بالتونة

كتير من الأطفال مش بيحبوا الشكل التقليدى للأسماك على الرغم من فوائده اللى مالهاش حصر.. تعالوا نزود التونة قيمة غذائية ونقدمها بشكل مختلف عن طريق الدريسنج والإضافات اللى هنقدمها معاها وعن تجربة مع أطفال كثير بيحبوها وبيحبوا شكلها وطعمها..

المقادير:
علبة تونة مصفاة من الزيت
مكرونة أى نوع (حسب رغبة طفلك)
نصف علبة زبادى
٢ ملعقة كبيرة مايونيز
ملعقة صغيرة مستردة
بصل أخضر مقطع حلقات صغيرة
عصير نصف ليمونة
رشة زعتر
ذرة صفرا
فلفل ألوان

الطريقة:
تسلق المكرونة (المكرونة الحلزونية أو على شكل فيونكات بتبقى جميلة جدا فى الطبق دة.. بعد سلقها يفضل تقليبها فى ملعقة زيت زيتون بيديها لمعة وقيمة غذائية زيادة وكمان نضمن أنها متلزقش فى بعضها..

نحضر الدريسنج فى بولة (الزبادى والمايونيز والزعتر والليمون والبصل وكل المكونات اللى جهزناها ويقلب مع الخضار المقطع ونضيف التونة مع المكرونة ونقلب ويقدم فى طبق ملون لأطفالنا وبالهنا والشفا 🙂

إيمان عبد الرحمن

إيمان عبد الرحمن زوجة وأم مصرية. إيمان مورد كعك / كعك ومضيف للعديد من البرامج التلفزيونية بدوام جزئي.