الفاصوليا البيضا (حبيبة قلبى) مشهورة أوى هى وباقى البقوليات انها سعراتها كتير ومش مستحبة فى الدايت والكلام الحلو ده…. الحقيقة الكلام ده فلة ماشى.. هى بالنسبة لباقى الخضروات سعراتها أكتر… بس فى المقابل فوايدها فى الدايت أكتر بكتير…الفاصوليا مليانة ألياف كتيير أوى بتعلى معدل الحرق… وكمان كمية البروتين فيها بترفع معدل الحرق جداً… البروتين عامة طالما مافيهوش دهن أو مطبوخ بطريقة مافيهاش دسم بيعلى الحرق جدا… وكمان بيشبع فالواحد مش بيجوع بسرعة… كل ده المهم… السلطة دى ممكن نلعب فيها كتير أوى.. هقوللكوا الأول أنا عملتها إزاى..المقادير:
• نص كوباية فاصوليا بيضا مسلوقة (بلاش المعلبة.. غير الصوديوم اللى فيها… طعمها استغفر الله العظيم)
• ربع فلفل أخضر مكعبات
• ربع فلفل أصفر مكعبات أو نكمل بأخضر لو مافيش
• نص طماطماية مكعبات
• بقدونس مفروم (أو أى أعشاب تانية لو مافيش… الشبت أو النعناع الأخضر بيبقوا حلوين أوى)
• إختيارى: بصل أخضر (بس أنا مش بحب البصل فى السلطة)
• إختيارى بردو: كيبر أو زيتون حلقات
• فص توم مهروس
• معلقة صغيرة زيت زيتون
• عصير ليمون
• ملح وفلفل وبابريكا وكمونالطريقة:
• كله مع بعضه ونظبط الطعم
• نص كوباية فاصوليا بيضا مسلوقة (بلاش المعلبة.. غير الصوديوم اللى فيها… طعمها استغفر الله العظيم)
• ربع فلفل أخضر مكعبات
• ربع فلفل أصفر مكعبات أو نكمل بأخضر لو مافيش
• نص طماطماية مكعبات
• بقدونس مفروم (أو أى أعشاب تانية لو مافيش… الشبت أو النعناع الأخضر بيبقوا حلوين أوى)
• إختيارى: بصل أخضر (بس أنا مش بحب البصل فى السلطة)
• إختيارى بردو: كيبر أو زيتون حلقات
• فص توم مهروس
• معلقة صغيرة زيت زيتون
• عصير ليمون
• ملح وفلفل وبابريكا وكمونالطريقة:
• كله مع بعضه ونظبط الطعم
الميزة فى الفاصوليا بقى ان أى حاجة مقرمشة تمشى معاها: عايزين تحطوا فاصوليا خضرا مسلوقة نص سلقة ماشى… تستخدموا شبت أو نعناع بدل البقدونس حلو… جرجير أو خس مايقولش لأ… العبوا فيها زى مانتوا عايزين…
بألف هنا على قلبكوا
Facebook Comments
مع انها صيدلانية… الا ان اكتر حاجة بتحبها إيمان حلمى هى انها تطبخ اكلات كتيرة من الاكلات المفضلة عندنا بطريقة تكون ماشية مع الدايت وف نفس الوقت تحافظ على الطعم الحلو… ومن ساعتها قررت تشارك الفكرة دى مع كل الناس اللى نفسهم يعملوا دايت ومايزهقوش.. من خلال اكلات جديدة ولذيذة… ودايت!
