الشهور الأولى للمولودنمو وتطور طفلك

ساعدى طفلك على النوم ونمى حواسه!

 

sleep

 

ساعدى طفلك على النوم ونمى حواسه!

بقلم: سيريلاك مصر

دايما بنسمع شكوى بتكرر من كل الأمهات وهى إن أطفالهم نومهم ملخبط وبالتالى بيأثرعلى نوم الأم. بنحب نطمنك إن دى مرحلة كل الأطفال بيمروا بيها وبتنتهى، فـالنهارده هنقدملك شوية نصايح تساعدك فى مواجهة الفترة دى:

نامى وطفلك نايم! استغلى فترة نوم طفلك فى إنك تريحى نفسك وتستعيدى نشاطك علشان لما يصحى من النوم.

طمنى نفسك إن كل ما طفلك بيكبر، كل ما نمط نومه بيتحسن معاه.

شغلى موسيقى خافتة أوصوت مروحة هادية، أو أى صوت ممكن يساعد طفلك على الاسترخاء والنوم.

ساعدى طفلك بإنك تجهزيه للنوم كل يوم فى نفس الميعاد وبنفس الطقوس علشان يتعود على النوم فى الفترة دى مع الوقت.

بداية من سن 3 شهور ساعدى طفلك أن يدخل نفسه فى النوم لوحده بـإنك تحطيه فى سريره وهوعاوز ينام بس مش رايح فى النوم علشان يتعود على إن وضعه فى السرير بيؤدى للنوم.

وطبعا كل أم بيبقى همها الأول والأخير هو نمو طفلها وتطور مهاراته وكمان تنمية حواسه. خلال النهار مفيش أحسن من وقت اللعب علشان تنمى فيه حواس طفلك وقدراته. والنهاردة احنا هنقدملك شوية نصائح تقدرى تنمى بيها حواس طفلك من خلال اللعب.

  • حاسة البصر:

نمى حاسة البصر عند طفلك بإنك تختارى ألعاب مليانة بالألوان زى المكعبات الملونة والكتب والصور.

  • حاسة السمع:

ممكن تلفتى انتباه طفلك بالألعاب البسيطة اللى بتعمل أصوات زى الموسيقى أو الألعاب الخشخاشه.

  • حاسة اللمس:

طفلك بيكتشف العالم من حواليه من خلال حاسة اللمس. خليه يمسك حاجات قوامها مختلف زى الرمل، الصوف، القطن وغيرها، علشان يقدر يطور عنده حاسة اللمس ويحس بالفرق فى كل حاجة بيمسكها.

فى أى حاجة متعلقة بطفلك دايما خلى عندك صبر واطلبى المساعدة من الأب أو أقرب الناس ليكى. ومتنسيش إن صحة طفلك من صحتك، فـمتهمليش من صحتك ونومك علشان تقدرى تاخدى بالك من طفلك وتقدميله أفضل رعاية وعناية يستحقها.

Facebook Comments

فريق عالم الأم و الطفل

يتطلع فريقنا دائمًا لإطلاع القراء على آخر الأخبار والأحداث والنصائح الملهمة والمفيدة التي شاركها الآخرون.

زر الذهاب إلى الأعلى