الأبوةالحياة الزوجيةالولادةبعد الولادةفترة الحمل
دور الزوج في فترة الحمل والولادة وما بعدها
دور الزوج في فترة الحمل والولادة وما بعدها
هنتكلم عن دور مهم وهو دور الزوج في فترة الحمل والولادة ومابعدها.
الدور العظيم اللي بيلعبه الزوج في الفترة الانتقالية دى هو بالفعل دور لا يقل أهمية عن زوجته الحامل بالنسبه للبيبي.
ومن خبرتنا وقد ايه شوفنا أزواج رائعين نقدر نقولكم إن بجد الاهتمام والدعم اللي بيقدمه الزوج لزوجته خلال فترة الحمل والولادة بيغير كل شيء للأجمل.
الأزواج اللى بيهتموا بمعرفة التغييرات الهرمونية والجسدية والنفسية اللي بتمر بيها زوجاتهم بيعرفوا يتعاملوا بشكل أفضل لأنهم بيكونوا نوعا ما حاسين بيها
دور الزوج بيبدأ من قبل ما الطفل بيتولد طول ما هو فبطن مامته بيكلمه و يحس حركته و يحس بوجوده زي الأم.
والدور الأكبر والأهم هو خلال فترة المخاض والولادة لأن وجود الزوج ودعمه لزوجته بيديها طاقة إيجابية في الوقت اللي ممكن تحس فيه إنها تعبت خلاص ومش قادرة تكمل.
وجود الزوج جنبها يطبطب عليها ويدعمها ويمسك ايدها ويحضنها و يوفرلها كل وسائل الراحة ويتأكد إن كل طلباتها في خطة الولادة بتتحقق هيهيألها أفضل جو للولادة.
أما أول ما البيبي يجي الدنيا من أول لحظة يقص الحبل السري ويلمس البيبي ويبدأ من أول يوم فى رعاية طفله وحمله والاهتمام بيه في الوقت اللي زوجته محتاجة فيه ترتاح بعد رحلة الولادة.
التجربة المشتركة اللي بيعيشها الأب والأم بتكون بِنية أساسية لأسرة متحابة.
.إحنا عايزين نشكر كل زوج ساعد زوجته وقدملها الدعم ونشجع كل زوج إنه يدعم زوجته بشكل كامل خلال الفترة دي
Facebook Comments
استشارى النساء والتوليد – مركز الأسكندرية الإقليمى لصحة وتنمية المرأة
