المولود الجديدنمو وتطور طفلك

خطوات طفلك الأولى

 

??????????????????????????????????????????????????????????????????????????????????

 

خطوات طفلك الأولى

بقلم: سيريلاك مصر

 

مين  مبيحلمش إنه يشوف خطوات طفله الأولى؟ بالضبط امتى  طفلك هيبتدي المشي ده بيعتمد تماما عليه, بس فيه حاجات إنتي ممكن تعمليها علشان تساعدي طفلك في المرحلة دي وتسرعي منها.

لما طفلك يكون في مرحلة الجلوس وقادر إنه يسند ظهره ورقبته بدون مساعدة, دي بتكون الفترة اللي بيبتدي ينمي فيها قدرته على الحركة. في  الفترة دي تقدري تساعدي طفلك بإنك تشجعيه إنه يزحف في الغرفة علشان استخدامه لإيده ورجله هيساعده في المرحلة الثانية وهي إنه يبدأ يرفع نفسه ويقف وهو بيسند على المفروشات والحائط. أول ما طفلك يتعود على وضع الوقوف, ممكن تساعديه بإنك تمسكي ايده وتمشي خطوات صغيرة معاه, و لما طفلك يكون جاهز, هيعتمد على نفسه وهيبتدي يمشي لوحده ويجري كمان! ومفيش إحساس أحلى من إنك تحضري خطواته الأولى. اصبري على طفلك وشجعيه في كل خطوة ليه. ومتنسيش تخلي معاكي كاميرا طول الوقت علشان تسجلي اللحظة السحرية لخطواته الأولى

تمارين طفلك الصغير:

تمرينك لطفلك بييجي في مرحلة لاحقة. التمرين بصورة متواصلة  مهم جدا لأنه بيساعد على تقوية الوصلة  مابين المخ والعضلات اللي بتساعد على تسهيل قدراته الحركية. الدراسات البيولوجية كمان اثبتت إن الأطفال اللي بيمارسوا الرياضة بتكون نسبة المشاكل المتعلقة بالوزن عندهم أقَل بكثير. النهارده هنقولك مثال لتمرين بسيط ممكن تعمليه لطفلك. تمرين العجلة هو من أكثر أنواع التمرين انتشارا وفايدة, كل اللي هتعمليه هو إنك هتنيمي طفلك على ظهره وتمسكي قدمه تبدأي في تحريكها برقة في صورة عجلة, بإنك تحركي قدم في اتجاه صدره والثانية تكون مفرودة. كرري التمرين ده  وخلي طفلك يفرد رجليه براحته لما تخلصي.

نتمنى نكون افدناكي بالمقال ده, تابعينا لأجدد النصائح ليكي ولأسرتك.

Facebook Comments

فريق عالم الأم و الطفل

يتطلع فريقنا دائمًا لإطلاع القراء على آخر الأخبار والأحداث والنصائح الملهمة والمفيدة التي شاركها الآخرون.

زر الذهاب إلى الأعلى