التربيةالسنوات الأولىالطفل العنيدالمولود الجديد

حقيقة نوبات الطفل العصبية

 

DCF 1.0

 

حقيقة نوبات الطفل العصبية 

بقلم: سيريلاك مصر

إزاى نتعامل مع نوبات الطفل العصبية

كل الأطفال بتجيلها نوبات عصبية ولكن ده جزء مهم من نموهم وتكوين شخصيتهم، بس فى خطوات ممكن تاخديها علشان تعرفى تتعاملى مع الوضع.

لما الطفل بيبدأ نوبة عصبية ويفضل يصرخ ويعيط ممكن يخلى الأهالى كمان تدخل فى نوبة عصبية وتبدأ تزعق هى كمان، بس لازم نفهم إن دى مرحلة لازم كل الأطفال يعدوا بيها عشان بيحاولوا يثبتوا شخصيتهم ويفرضوها.
في حاجات ممكن تعمليها عشان تتجنبى دخول طفلك فى نوبة عصبية زى إنك:
• تشرحيله بالظبط إنتى عايزة إيه منه. إستخدمى عبارات مش أسئلة.
• إدى طفلك مساحة كافية من الوقت قبل ما يعمل إللى إنتى عايزاه. إنتى ممكن تكونى بتقاطعى حاجة هو بيعملها ومهمة بالنسبة ليه، عشان كده دايما إديله مساحة من الوقت، خمس أو عشر دقايق مثلآ.
• فهميه دايما، إشرحيله ليه عايزاه يعمل حاجة معينة، أو وريه بتتعمل إزاى.
• إدى طفلك إختيارات. خلى طفلك يعمل الحاجة إللى إنتى عايزاها فى الوقت إللى هو شايفه مناسب. طبعا ده هيبقى فى شوية تنازل، بس فى الآخر إللى إنتى عايزاه هيحصل من غير أى عصبية أو غضب من الطفل.

الأهل دورهم مهم جدا مش بس علشان هما إللى بيعلموا الطفل قواعد يمشى عليها، بس كمان إنهم يكونوا مثال ليه فى كل حاجة. عشان توصلى للى إنتى عايزاه لازم توصلى من غير ما تزعقى أو تزنى معظم الوقت.

لما طفلك يدخل فى نوبة من العصبية حاولى تحافظى على هدوئك وإفتكرى:
• متتجاوبيش معاه بأى طريقة: ممكن تخلى الوضع أوحش لو حاولتى تهدديه باللى هيحصله لو مسكتش.
• طول ما سلامة طفلك مش محل سؤال  قلق، حاولى تطبطبى على كتفه وقوليله هنتكلم لما تهدى. السلوك العدوانى زى العض والضرب بيحتاج تدخل زى إنك تستخدمى طريقة الوقت المستقطع.
• متستسلميش، إنتى مش عايزة تكافئيه على عصبيته بإنك تديله إللى هو عايزه أو تقوليله إسكت وهديك إللى إنت عايزه.
• لو إنتى الغلطانة، تقبلى ده، كل الأهالى بتغلط. لو إنتى حسيتى إنك لو فكرتى كويس مكنتيش هتعملى الفعل إللى خلى طفلك يدخل فى نوبة عصبية ممكن تديله إللى هو عايزه بشرط إن ده يكون الإستثناء مش الأساس.

Facebook Comments

فريق عالم الأم و الطفل

يتطلع فريقنا دائمًا لإطلاع القراء على آخر الأخبار والأحداث والنصائح الملهمة والمفيدة التي شاركها الآخرون.

زر الذهاب إلى الأعلى