تغذية الأسرةتغذية طفلك

بياض البيض أفضل ولا صفاره؟

 

egg

 

بياض البيض أفضل ولا صفاره؟

أولا إيه الفرق بينهم؟
البياض: غني جدا بالبروتينات عالية القيمة الغذائية
وخالي من الكوليسترول والدهون
السعرات: ١٧ سعر حراري

الصفار: هو الكوليسترول
غني بالدهون المفيدة الغير المشبعة وغني جدا بالفيتامينات خاصة فيتامين أ و د و ك وكمان غني بالمعادن والفوليك أسيد
السعرات: ٥٥ سعر حراري

 

مين أفيد؟
الاتنن مهمين للطفل
البروتينات الموجودة في البياض علشان النمو العضلي والعضوي

الدهون والمعادن والفيتامينات الموجودة في الصفار علشان التطور العقلي

 

الطفل ياخد كام بيضة في اليوم؟
الطفل بيحتاج ٣٠٠ ج بروتين في الْيَوْمَ
بيضة واحدة يوميا جميل
أو
ممكن ناخد بيضة بصفارها مع خلطه ببياض بيضتين مثلا
إذا كان الطفل في الْيَوْمَ ده مَش هياكل أي نوع بروتين حيواني تاني زي الفراخ أو اللحمة
ميزه البيضة إن فيها كل القيمة الغذائية زي اللحمة والفراخ بس أرخص كتير

 

إمتى ندخل البيض لأكل الطفل؟
الصفار: فى الشهر ٧
البياض: بعد السنة الأولى نظرا لاحتوائه على بروتين حيواني وممكن يصيب الطفل بالتحسس

 

أنهي أحسن نوع بيض الأبيض ولا الأحمر ولا البلدي؟
القيمه الغذائية للأبيض والأحمر زي بعض بس البلدي غني أكتر بالحديد
أما البيض الأورجانيك وهم كبير وغالي ع الفاضي

 

لو طفلي مابيحبش ياكله أعمل إيه؟
البيض وجبة مهمة وسعرها كويس فمهم إنك تحببي طفلك فيها ممكن تجربي
أنواع مختلفة من الطهي أومليت أو عيون أو مسلوق
دخليه في أنواع تانية من الأكل زي الكيك والكريم كراميل
قطعيه صغير واخلطيه مع أي نوع أكل طفلك بيحبه

 

ملحوظات مهمة خلوا بالكم منها
بلاش ندي البيض مع الجبنة المثلثات ولا المربعات لأنها كلها دهون مشبعة مهدرجة لكن ممكن تخلطي البيضة مع السيريالز أو عصير البرتقال أو حتى المايه عشان يسهل مضغه في الأول
بلاش البيض الني علشان بينقل ميكروبات وبكتريا وبيسبب أمراض

 

معلومة ع الماشي
البيض له استخدامات تانية غير الأكل زي إنه مغذي جدا كماسك للبشرة والشعر

Facebook Comments

مي سعد

د. مي سعد الدين إستشاري طب أطفال أبوالريش، وإستشاري دولي رضاعة طبيعية، ومؤسس تطبيق طفلي مع د. مي على الهواتف المحمولة
زر الذهاب إلى الأعلى