إدارة وتنظيم البيت

أنا بعمل كده علشان أوفر من ساعة تعويم الجنيه، إنتوا بتعملوا إيه؟

 

أنا بعمل كده علشان أوفر من ساعة تعويم الجنيه، إنتوا بتعملوا إيه؟

في كلمتين عايزة أقولهم ومتأكده إن في ناس هتشتمني بس الحق يتقال 

من ساعة تعويم الجنيه وأنا حاسة إن أخلاقي إتغيرت، بركز في الأسعار وبشوف عروض وبجيب اللي أنا عايزاه بس يعني اللي محتاجاه مش بشترى وخلاص.. وبقيت مقدرة الحاجة اللي عندي جدا.

رتبت حاجات كتير جدا جدا في بيتي علشان ياما بتكون الحاجة عندنا وننزل نجيب زيها بالظبط من كتر اللي موجود.

في حاجات مقدرش أستغني عنها فلسه بجيبها بس في حاجات تانية غيرت الماركات وعادي مش فارقة.

عموما مقللين جدا جدا home delivery وخروجات أكل علشان النظافة ودلوقتي علشان الغلا المبالغ فيه في المحلات.


بقيت بجيب حاجة السوبر ماركت بالأسبوع وبجد بحاول أجيب كميات معقولة بدل ما نشتري زيادة والحاجة تبوظ وأرميها.


حتي في بيتي بقيت مركزة أوى مع استعمال الكهربا وأي حاجة ملهاش لازمة تنطفى أحسن، ياما كنّا نسيب التكيفات والنور كله شغال بس دا خلاص مبقاش بيحصل  ?


طب ما يمكن إحنا كنّا محتاجين نحس بقيمة الحاجة، يمكن كان لازم تغلي علشان نرشد إستهلاكنا، يمكن كنّا بنجيب كتير ونرمي علشان كده بيتقال إحنا شعب إستهلاكي، عموما حتي لو الغلا مزعج ممكن نحاول نطلع منه بحاجة كويسة ويارب اللي بيتعمل دا كله يخلص على خير ولما الدنيا تتحسن نفضل عاقلين شوية. كده ولا كده إحنا كشعب محتاجين نغير حاجات كتير جدا في ثقافتنا. أنا عشت في لندن فتره من حياتي وزرتها يمكن ١٠ مرات وهناك الناس بتخش تشتري بالقطعة حتى الفاكهة والخضار. محدش بيشتري بالهبل غير العرب والمصريين للأسف! كنت بحب جدا جدا أتفرج عليهم وهما في السوبر ماركت وإزاي مقدرين الحاجة وبيجيبوا بالعقل كده…عقبالنا


بتعملوا إيه علشان توفروا؟؟

 

Facebook Comments

ديانا فريد

ديانا هي زوجة وأم لطفل توأم مستوحاة من الموسيقى والطبيعة والتفاعلات اليومية في الحياة. تستخدم شغفها بالكتابة لالتقاط اللحظات الخاصة واستبدال الضحك بالألم وإلهام الآخرين. كاتبة طويلة في العديد من المنشورات في مصر والخليج. من خلال Twin Mummy’s Diary تشارك أفكارها وخبراتها ونصائح مفيدة أثناء انتقالها نحن من خلال ركوب الأفعوانية تسمى الأمومة ، مع تحدياتها وأفراحها.

زر الذهاب إلى الأعلى