وجبات خفيفة، أطباق جانبية وسلاطاتوصفات لذيذة

الكفتة اليونانى مع صلصة الزبادى بالخيار

 

10453373_522159184577733_2743927220652373076_n

الكفتة اليونانى مع صلصة الزبادى بالخيار

المقادير لشخصين:

• ربع كيلو لحمة مفرومة من غير دهون
• نص بصلة مفرومة ناعم
• فص توم كبير مفروم
• معلقتين كبار بقدونس مفروم
• رشة نعناع ناشف
• ملح- فلفل- جوزة الطيب

الطريقة:

• نسخن الفرن على أعلى درجة
• نرش قوالب الكب كيك بإسبراى الزيت أو نبطنها بورق الكب كيك
• نخلط مكونات اللحمة مع بعض كويس أوى وبعدين نرصها فى قوالب الكب كيك
• نحطها فى الفرن وبعد أول ٢٠ دقيقة نقلل الفرن ل ١٨٠ ونسيبها لحد ماتستوى… إحنا علينا الحرارة فى الأول علشان الكفتة ماتنزلش مية كتير…
• أول ماتستوى نجهز صينية فى وسطها ورقة فويل وفيها حتة صغيرة زبدة ونكون مولعين على فحمة…. ننقل الكفتة فى الصينية ونحط الفحماية على الفويل ونغطى ونسيبها تاخد ريحة الشوى..

لو حد مش عنده صينية الكب كيك… نشكل الكفتة زى الهمبورجر بس أتخن شوية ونشويها على الجريل وبعدها نعمل خطوة الفحم بردو..

الكمية دى بتطلع قطعتين كفتة لكل فرد.. ومعاها سلطة الزبادى بالخيار

Facebook Comments

إيمان حلمي

مع انها صيدلانية… الا ان اكتر حاجة بتحبها إيمان حلمى هى انها تطبخ اكلات كتيرة من الاكلات المفضلة عندنا بطريقة تكون ماشية مع الدايت وف نفس الوقت تحافظ على الطعم الحلو… ومن ساعتها قررت تشارك الفكرة دى مع كل الناس اللى نفسهم يعملوا دايت ومايزهقوش.. من خلال اكلات جديدة ولذيذة… ودايت!

زر الذهاب إلى الأعلى