ازاى نتفادي تعب اول كام يوم صيام
رمضان جانا!
كل رمضان وإنتم بخير وبصحة وسعادة
هل علينا الشهر الكريم
من أكتر الحاجات اللى بنتعب منها أول كام يوم صيام وبتسببلنا صداع وتوتر وإرهاق هو الحرمان من جرعة الكافيين اللى متعودين نصحي عليها الصبح سواء كانت قهوة أو حتى شاي بلبن. منعهم فجأة بيعمل عدم إتزان.
أنصحكم نبدأ من بكره نستعد علشان نتفادى التعب أول كام يوم
ونصوم بنشاط وباستمتاع من الأول.
هنعمل إيه؟
هنبدأ بكسر الروتين المرتبط بالكافيين في يومنا.
لو متعودين نصحي من النوم أول حاجة نعملها نشرب القهوة أو الشاي بلبن، نبدأ نرحلهم شوية.
بلاش يكونوا مرتبطين بوقت معين في ساعات النهار.
محتاجين كمان نشرب ميه بطريقة منتظمة ونركز على الخضروات والفاكهة في يوممنا، والأهم إننا نعرف إنه متوقع يجيلنا أعراض إنسحاب!!
أيوه.. لأن الجسم المعتاد على الطاقة الخارجية في صورة الكافيين بياخد شوية وقت على ما يرجع يتعود يطلع الطاقة من جواه
ورمضان فرصة ذهبية للتخلص من أي إدمان سواء كان كافيين أو معجنات أو سكريات
الكلام صعب!!
مش منطقي؟!
طب جربوا ومش هتندموا
هتحسوا بالحرية والتحرر من الشيء اللى مرتبطين بيه بطريقة كبيرة (كباية الشاي بلين مثلا)
خلينا نستفيد من الشهر الكريم
في إستعاده صحتنا ونشاطنا
يلا نصوم صح
هبة أنور ، أم لثلاثة أطفال ، هي مدربة صحية شاملة درست التغذية والتدريب في معهد التغذية التكاملية. وهي مؤسسة Smart Food بقلم هبة أنور . تهدف إلى رفع مستوى الوعي حول تأثير الغذاء على الصحة والرفاهية العامة لجميع البشر من خلال خلق ثقافة إيجاد البدائل. وتتمثل رغبتها في تمكين كل أم بالأدوات والمعرفة اللازمة لتقديم خيارات طعام أفضل لأطفالها. تقدم هبة دورات توعية وبرامج تدريب تحولية للنساء لمساعدتهن على الوصول إلى أفضل ما لديهن ، وفهم أجسادهن وتحديد الأطعمة التي تناسبهن بشكل أفضل.
