الحياة الزوجية

إنتى نعم الزوجة لو

 

??????????????????????????????????????????????????????????????????????????????????????????????????

إنتى نعم الزوجة لو

  • بتقدرى تتواصلى مع زوجك ولو في مشكلة أو زعل بينكم بتتجنبى إن إنتى تظهرى زعلك قدام الأولاد وبتتواصلى مع زوجك وتحلوها سوا.
  • بتعرفى تحافظى على بيتك وبتقدرى تكونى السكن والونس والحب لزوجك
  • بتصحى زوجك بشويش وتقربى من ودانه وتقولى له بهمس وبصوت دافىء وحنون “بحبك…اصحى بقى علشان واحشنى”
  • كان اهتمامك بوقتك معه ناجح لدرجة أنه بيحس بالسعادة أكتر من الوقت اللى بيقضيه مع أصحابه
  • عندك ثقة في زوجك وبتحترمى خصوصياته، بتمنعى نفسك من إن كل يوم تفتشى في موبايله كلم مين وقال إيه
  • تعبيرات وشك وكلامك مع زوجك كلها حب وبتخلو من أي زعل أو تكشيرة ودائماً بيحس إنك شايفاه أحسن واحد في الدنيا
  • بتظهرى الحب دايما ومش بتستنى إن هو اللى يبدأ كل مرة بالحب والغزل، وبتهتمى بنفسك وبزوجك وبتدورى على كل حاجة تسعده وتعمليها
  • بتعرفى تشاركى زوجك فى الحاجات اللى بيحبها، وعارفة احتياجاته كويس جداً وتقدميهاله بدون ما يطلب.
  • عارفة إن الوقت اللى هتشاركيه مع زوجك بعد الشغل ده وقت للحب المتبادل بينكم، وبتهتمى بالوقت ده جداً، وبتستعدى بالحوار اللطيف قبل ما يجى من الشغل
  • بتتعمدى تشوفى كل حاجة حلوة في زوجك وتثنى على الحاجة الحلوة صراحةً قدامه

إقرأوا أيضاً: أنت نعم الزوج لو… الجزء ١

Facebook Comments

هويده الدمرداش

هويدا الدمرداش مستشارة العلاقات الأسرية ومؤسسة علاقات البنج بونج.

زر الذهاب إلى الأعلى