الصحة العامةتغذية الأسرةرمضان هذا العام

إزاى نصوم رمضان صح؟

 

dates_625x350_81427802819

إزاى نصوم رمضان صح؟

أيام قليلة وينورنا شهر الصوم.
نفسي نصوم صح.

السنه اللى فاتت كانت تجربتي عن الصوم مختلفة وغير كل سنة.

قدرت أصوم وأذكار وأمتحن وأحضر الفطار.
تقريبا كل يوم كنت واقفة في المطبخ
…والحمد لله… وغير كل السنين اللى فاتت
استمتعت برمضان بطعم جديد عليا.
قدرت ألعب رياضة واخترع في المطبخ
استمتعت برمضان بنظرة ال health coach

اللى اختلف عن السنين اللى قبله اني فكرت.
وقفت شوية مع نفسي وتسائلت هو الصوم يعني إيه ليا؟

أنا بتكلم من الناحية النفسية والرسالة للاوعي!

في الأصل الصوم عبادة
الصوم طاعة وفرض
الصوم روحانيات وصلاة وتسابيح

طب العادات اللى توارثناها فين من ده؟؟

الصوم بقى يعني حلويات وأكلات أشكال وألوان بعد المغرب.
الصوم بقى جوع وعطش وتعب لناس كتير.
الصوم بقى نرفزة وصداع وكسل.

إيه ده كله؟
إزاي بقينا كده؟
ده رمضان شهر البركة والعبادة

إزاي بناكل على آخر زادنا من الفطار والسحور وبينهم
وننام و نقوم بتقل ووخم؟!

عارفين إن الصوم ديتوكس رباني؟
..بالصيام نقدر نخلص جسمنا من السموم… بالصيام جسمنا بيرجع يطّلع الطاقة من جواه
بالصيام نقدر نظبط صحتنا ونعيد التوازن الداخلي.

دي فرصه ذهبيته وأبحاث كتير في بلاد الغرب أثبتت فضل الامتناع عن الأكل لساعات متصلة
وبقى فيه ما يسمي بال fasting diet

خلونا نصوم السنه دي صح
نصوم ونستعيد صحتنا ونشاطنا

نصوم ونفطر ونصلي ونستمتع بيومنا نهاره وليله

كل ده سهل نعمله
خلينا نبدأ نفكر
إيه مشكلتي مع الصيام؟
صداع
إرهاق
جوع
عطش
نهم
حلويات
مشروبات
سكريات
كنافات……….

ليه بناكل لآخر زادنا
ليه بناكل لينا وللزمن
ونرجع نوخم ونتعب ونتعصب ونصدع

دوروا في صندوق أفكاركم
دي أول خطوة

اللهم بلغنا رمضان وأعنا على الصيام كما تحب وترضى

Facebook Comments

هبه أنور

هبة أنور ، أم لثلاثة أطفال ، هي مدربة صحية شاملة درست التغذية والتدريب في معهد التغذية التكاملية. وهي مؤسسة Smart Food بقلم هبة أنور . تهدف إلى رفع مستوى الوعي حول تأثير الغذاء على الصحة والرفاهية العامة لجميع البشر من خلال خلق ثقافة إيجاد البدائل. وتتمثل رغبتها في تمكين كل أم بالأدوات والمعرفة اللازمة لتقديم خيارات طعام أفضل لأطفالها. تقدم هبة دورات توعية وبرامج تدريب تحولية للنساء لمساعدتهن على الوصول إلى أفضل ما لديهن ، وفهم أجسادهن وتحديد الأطعمة التي تناسبهن بشكل أفضل.

زر الذهاب إلى الأعلى