العودة إلى المدرسةوجبات مدرسية

أفكار لذيذة للوجبات المدرسية (اللانش بوكس)

 

shutterstock-169469576

 

أفكار لذيذة للوجبات المدرسية (اللانش بوكس)

 

مع موسم دخول المدارس بيبدأ الأهل فى تجهيزات أدوات الدراسة من الشنطة واليونيفورم وكل اللى يلزمهم وأكيد النقطة الهامةاللى بتشغل كل الأمهات هى اللانش بوكس أو التفكير فى نوعية الأكل والسندويشات الخاصة بإفطارهم أو وجبة الغدا..

معظم مشاكل الأمهات بتنحصر فى”إبنى بيرجع بالسندويتشات زى ماهى؛ بنتى مش بتحب غير الحاجات الحلوة المسكرة؛ أفكارى بتخلص فى نص مدة الدراسة”.. إلخ.. ولكن لو لاحظنا أهم مشكلة أو خلاصة المشاكل بتنحصر فى التنويع؛ هنحاول هنا نقدم بعض الحلول والوصفات والخدع والأفكار البسيطة اللى هتساهم بإذن الله فى حل المشكلة…

* الطفل فى مرحلة المدرسة بيكون نضج بشكل كافى عن ماكان فى مرحلة الحضانة حتى لو بنسبة قليلة ولكن على الأقل هتسمح لنا بالمناقشة معه وأخد رأيه فى اللى بنقدمه له.

*مثال: يفضل لو أخدناهم بنفسهم لإختيار اللانش بوكس أو العلبة اللى هيتحط فيها الأكل ولونها وأشكالها..؛ لو اشترتيها خلاص يبقى مفيش مشكلة هنبدأ نسأله عن نوعية الأكل المفضلة له كذلك نوع العصير أو الفاكهة..

*خلة الأسنان نجرب نحط فيها فاكهة مقطعة – على شكل الشيش طاووك – هيحبوا شكلها وألوانها جدا.. عنب أحمر مع واحدة كانتالوب وقطعة تفاح..

*مهم جدا اللانش بوكس يبقى مليان بألوان مبهرة وفى نفس الوقت قيمة غذائية (خيار مقطع وجزر شرائح وفلفل ألوان وفاكهة طبعا؛ حتى لو رفضوا أكلها فى الأول مع التكرار إن شاء الله هيحبوها.

*التنويع فى الساندويتشات أو اللى بنقدمه فى اللانش بوكس ممكن يبقى تغيير لحاجات بسيطة زى التنويع فى أنواع العيش أو الحشو (بلدى، فينو، تورتيلا، كايزر، توست) ومخبوزات بيتى (مينى بيتزا، باتيه، كب كيك بأنواعه).

*قطاعات التوست أو المعجنات بأشكالها بقت متوفرة فى جميع المكتبات والسوبر ماركت وبجد بتفرق جداااا بيحبوا الحاجة اللى جواها مهما كانت.

* أخيرا: حابة أتكلم عن وجبة الفطار وخصوصا قبل نزولهم المدرسة مهم جدا ياكلوا حتى لو حاجة بسيطة. انا عارفة إن معظم الأطفال مش بيفضلوا يفطروا بس هنحاول نقدملهم وجبات خفيفة ومغذية فى طبق ملون مع شوكة أو معلقة ملونة (الشوفان، البليلة).

يارب نكون قدرنا نقدم بعض الأفكار البسيطة تساهم فى حل مشكلة أكل اطفالنا وربنا يحفظهم جميعا وكل سنة وأنتم طييبين…

Facebook Comments

إيمان عبد الرحمن

إيمان عبد الرحمن زوجة وأم مصرية. إيمان مورد كعك / كعك ومضيف للعديد من البرامج التلفزيونية بدوام جزئي.

زر الذهاب إلى الأعلى