أسهل طريقة للتعامل مع التوتر فى زمن الكورونا
التوتر المستمر ممكن يتحول لمصدر ازعاج وعادة سلبية تخلى العقل يستخدم أنماط غير صحية للتفكير. ويخلينا بدال ما نفكر بشكل متوازن قبل ما ناخد أي قرار (حتي لو بسيط) نفكر بطرق تخلى أخد القرار صعب زى تضخيم الأخطار والصعوبات خاصة في ظل وجود متغيرات كتيرة أو ضغط نفسي.
أسهل طريقة للتعامل مع التوتر هي إننا نساعد عقلنا إنه يهدى عن طريق توصيل الدم والأكسجين له علشان نعرفه انه ممكن يطمن. وهنا بتبقي أسهل وأضمن طريقة هي أخد نفس عميق وملأ الرئة بالهوا ببطء وبشكل متعمد واخراجه ببطء شديد وكأننا بنخرجه من البطن.
في البداية مش هتقدرى تعملى ده أكتر من أربع ثواني من الشهيق وأربعة للزفير ولكن مع التكرار أكتر من مرة في اليوم هيبقى أسهل وأطول (ممكن يوصل للضعف) دربي نفسك علي كده في المواقف الصعبة والصبح وقبل النوم.
التركيز علي التنفس هيساعد كل خلايا الجسم تشتغل بشكل كويس وهتلاقى نومك بقى أحسن وكمان هيكون فيه تحسن في مشاكل الهضم والقولون.
وبما إن الأولاد والأزواج موجودين معانا فى البيت الأيام دى فممكن تعملوا التمرين ده كلكم سوا.
اقرأ أيضا: 5 خطوات لتنظيم يومك بنجاح فى زمن الكورونا
ايه مستشارة علم نفس مجتمعي متخصصة في تقييم الاحتياجات و تنمية الكفاءات باستخدام أسس علمية و خبرة أكثر من ٢٠ عاما في مجال التعليم و التدريب و الارشاد النفسي بهدف تقليل الخلافات داخل المؤسسات و تطوير العلاقات الأسرية و الصحة النفسية للاهل و المراهقين.
حصلت ايه على درجتي البكالوريوس و الماجستير من الجامعة الامريكية بالقاهرة و هى عضو بالمنظمة البريطانية لعلم النفس و منظمة الابحاث التطبيقية المجتمعية بالولايات المتحدة الأمريكية و المؤسسة البريطانية لتنمية الافراد. كما أنها مدرب معتمد لبرامج الفاعلية و الممثل المعتمد لمؤسسة جوردن العالمية ، و مرشد معتمد من جامعة كامبردج بانجلترا. شاركت ايه في تاسيس جمعية أصدقاء الام و الطفل و هى عضو مجلس إدارة بها و بمؤسسة شبكة خبراء الأسرة إلى جانب تطوعها لاستشارة عدد من الجمعيات الأهلية.
